Ժամանակակից ճանապարհներ
Համաձայն հին չինական ասացվածքի՝ եթե ուզում ես հարստանալ, ապա ճանապարհ կառուցիր։ Ես կավելացնեի, եթե ուզում ես ձևավորել աշխարհը, կառուցիր այն ճանապարհները, որոնցից բոլորը պետք է օգտվեն։ Հին Պարսկաստանի Արքայական ճանապարհից և Հռոմեական կայսրության քարե ճանապարհներից մինչ այսօրվա Կարմիր ծովի հատակով անցնող օպտիկամանրաթելային մալուխները՝ նա, ով վերահսկում է երթուղիները, վերահսկում է մարդկանց, նրանց կյանքը և ապրանքների ու տվյալների հոսքը։
Հին մետաքսե ճանապարհներ
Մետաքսի ճանապարհները ոչ միայն առևտրային ուղիներ էին, այլև հին քաղաքակրթությունների կենսական օղակները։ Մայրցամաքներով անցնող այս երթուղիներով էին տեղափոխվում մետաքս, համեմունքներ, գաղափարներ, կրոններ ու ժամանակի տեխնոլոգիաներ՝ Ասիայից մինչև Մերձավոր Արևելք և Եվրոպա։ Այս փոխկապակցված ուղիները ծնունդ տվեցին մշակույթների ու կայսրությունների, և ձևավորեցին համաշխարհային առևտրային ցանցը։
Ռեսուրսներ․ օրհնությո՞ւն, թե՞ անեծք
Ռեսուրսներով հարուստ շատ երկրներ դժվարանում են իրենց բնական պաշարների հարստությունը օգտագործել՝ ի շահ իրենց քաղաքացիների և տնտեսությունների: Բնական ռեսուրսներից տնտեսական կախվածությունը, թերզարգացումը և դրանց հետ կապված ռիսկերը հայտնի են «Ռեսուրսների անեծք» անունով: Տեսանյութը բացատրում է, թե ինչու և ինպես են բնական պաշարները դառնում անեծք տնտեսությունների և ազգերի համար և ինչ պետք է անել՝ «Ռեսուրսների անեծքի» ծուղակից խուսափելու համար։
Նավթ. Հայտնաբերումից Մինչև Մեր Օրեր
Նավթ․ հեղուկ, որ վառելիքով է ապահովում մեր աշխարհը և հնարավոր դարձնում մեր առօրյա գործունեությունը: Տեսանյութը անդրադառնում է նավթի պատմությանը և նշանակությանը։ Այն բացահայտում է, թե ինչպես է նավթից չափազանց մեծ կախվածությունը խորը հետևանքներ ունեցել և շարունակում ունենալ բազմաթիվ երկրների տնտեսությունների և ժողովուրդների ճակատագրերի վրա։
Ցորեն` մարդկության քաղաքակրթության հենաքար
Ցորենն աշխարհի ամենակարևոր մշակաբույսերից մեկն է։ Այն բորբոքել է պատերազմներ, հնարավոր դարձրել խաղաղությունը և բացել նոր ճանապարհներ: Հռոմեական կայսրության ժամանակներից մինչև մեր օրեր ցորենը եղել և շարունակում է մնալ քաղաքակրթության հենասյուներից մեկը:
Օդի առևտուր
Օդի առևտուրը վարածում է աշխարհի ամենահիմնական ռեսուրսներից մեկը շքեղության ապրանքի։ Հյուսիսային Ամերիկայի ժայռոտ լեռներից մինչև Նոր Զելանդիայի կանաչ հովիտներ՝ մաքուր օդը որսվում, սեղմվում և առաքվում է ամբողջ աշխարհով մեկ: Գաղափարն ինքնին տարօրինակ է թվում. ոչ ավել, ոչ պակաս՝ օդ է առաքվում աշխարհի տարբեր ծայրեր։ Իսկ ինչպե՞ս մարդկությունը հասավ այս կետին: