Բարի գալուստ World and Me Project
Մեր առաքելությունը
World and Me Project-ը հարթակ է, որն օգնում է ոչ միայն հասկանալ աշխարհում տեղի ունեցող իրադարձությունները, այլև գիտակցել դրանց կարևորությունը։ Մենք հավատում ենք, որ գիտելիքը պետք է լինի պարզ և հասանելի։ Պատմությունը, աշխարհաքաղաքականությունը, տնտեսագիտությունը, մշակույթը և մարդկային փորձառությունը համադրող հետաքրքիր պատմությունների միջոցով մենք աշխարհը դարձնում ենք ավելի պարզ և ընկալելի։ Մեր առաքելությունն է դառնալ կրթական և մշակութային շարժում, որը կբորբոքի հետաքրքրասիրությունը, կխթանի փոխըմբռնումը և կմիավորի շատերին՝ միասին կերտելու ավելի լավ ապագա։
Մեր արժեքները
Հետաքրքրասիրություն — մենք բարձրացնում ենք կարևոր հարցեր և խրախուսում ենք, որ բոլորը նույն կերպ վարվեն։
Հստակություն — մենք մանրամասն վերլուծում և ներկայացնում ենք բարդ թեմաներ՝ դրանք դարձնելով հասկանալի և կիրառելի։
Ճշմարտություն — մենք գնահատում ենք ճշգրտությունը, ազնվությունը և նյութի ամբողջական ու բազմակողմանի ներկայացումը։
Հզորացում — գիտելիքը ուժ է, սակայն այն դառնում է իսկական ուժ միայն այն դեպքում, երբ կիսվում է, ընկալվում և կիրառվում։
Արդարություն — մենք բարձրաձայնում ենք այն տեսակետները, որոնք հաճախ չեն ներկայացվում հիմնական տեսանկյունների և նորությունների շրջանակներում։
Քաջություն — մենք չենք վախենում ուսումնասիրել դժվար թեմաներ, տալ բարդ հարցեր և կասկածի տակ դնել ընդունված տեսակետներն ու ենթադրությունները։
Դոկտոր Եվա Ալեքսանյան,
World and Me Project-ի հիմնադիր
Բարի գալուստ իմ գիտելիքների և ուսումնասիրությունների աշխարհ: Ես դոկտոր Եվա Ալեքսանյանն եմ, տնտեսագետ, ով առաջնորդվում է գիտելիքներով կիսվելու աննկուն կիրքով: Իմ ակադեմիական ուղին անցել է այնպիսի հաստատություններով, ինչպիսիք են Հայաստանի Պետական Տնտեսագիտական Համալսարանը (Կառավարման մասնագետի կոչում), Ուիլյամս Քոլեջը (Տնտեսական Քաղաքականության մագիստրոսի կոչում) և Կոլորադոյի Պետական Համալսարանը (Տնտեսագիտական գիտությունների դոկտորի կոչում): Ինձ բախտ է վիճակվել ծառայելու Հայաստանի կառավարությանը, մասնակից լինելու լայնածավալ հետազոտական նախաձեռնությունների՝ ինչպես Հայաստանում, այնպես էլ Միացյալ Նահանգներում, խորհրդատվական ծառայություններ մատուցել տարբեր կառավարությունների և կրթել ուսանողների Կոլորադոյի Պետական և Դենվերի համալսարաններում: Որպես հետազոտող, խորհրդատու և դասավանդող՝ իմ գործունեության ընթացքում նկատել եմ, որ մարդիկ միշտ էլ ձգտում են հասանելի գիտելիքների։ Սա է պատճարը, որ World and Me Project-ի գլխավոր նպատակն է դարձել կամուրջ հանդիսանալը՝ այս բացը լրացնելու համար: Ես համոզված եմ, որ միասին մենք կարող ենք բարելավել մեզ շրջապատող աշխարհը՝ կիրառելով գիտելիքի ուժը:
Դոկտոր Եվա Ալեքսանյանը ձգտում է կարևոր քննարկումներ սկսել ինքնության, մշակույթի և ազգը ներկայացնելու մասին: Վերջերս նա հրատարակել է բանաստեղծական ոճով գրված նկարազարդ պոեմ-գիրք, որը, հիմք ընդունելով հին Հայկական դիցաբանությունից հատվածներ, պատմում է, թե ինչպես է Վարդավառը դարձել սիրո, քաջության, փրկության, պտղաբերության, միասնության և բարության խորհրդանիշ։ Երբ վիշապն առևանգում է սիրո և գեղեցկության աստվածուհի Աստղիկին, աշխարհից վերանում են սերն ու բարությունը։ Դադարում է անձրև տեղալ, և սկսվում է երաշտ։ Բայց հույսը մնում է անշեջ...
